الصُرصار والسحلية

حمادة سأل نفسه سؤال:

أنا ليه دماغى متركب شمال؟

هسيبكم مع حمادة

وحكايته اللى فوق العادة:

إبداعى بدأ بصُرصار

حسيت بيه فى عقلى الجبّار

بيجرى ويرمح

بيلعب ويشطح

بس الصُرصار حشرة شقية

وموطنه, المجارى الغبية

حسيت أن عقلى ملعون

خلاص, بقيت مجنون

بس أنا راجل راسى

والطوارئ بتخلينى قاسى

ركزت فى حل المشكلة

كتبتها بالقلم, ورسمتها بالمنقلة

وفى لحظة التجلى

اللى بتيجى بعد الفجر تملّى

جات لى الفكرة الشقية

أنى أبدل الصرصار بسحلية

ومن يوميها والدنيا اتظبطت

والأفكار اتربطت

والأفكار شعشعت

ودماغى طرقعت

وبقيت أنا والسحلية

عايشين عيشة هنية